Hafod Eryri, the new £8M Snowdon Summit Visitor Centre

Hafod Eryri

Rhai Ffeithiau

Cynlluniwyd yr adeilad gwreiddiol gan Syr Clough Williams-Ellis a’i adeiladu ym 1935. uilding was designed by Sir Clough Williams-Ellis and built in 1935.
Rhaid i Hafod Eryri allu gwrthsefyll hinsawdd eithafol ar y copa

Codwyd y strwythur dur ddwywaith. Yn gyntaf mewn warws mawr yn hen waith dur Shotton ac yn ail ar y copa ei hun. Roedd rhaid gwneud hyn oherwydd natur unigryw'r strwythur ac am ei bod hi’n haws i brofi’r adeiladwaith mewn lleoliad lle’r oedd yn hawdd ac yn gyfleus i’w newid.
Cariwyd yr holl ddeunyddiau i’r copa ar y trên.
Adeiladwyd y waliau, y to a’r lloriau gwych o ithfaen o Flaenau Ffestiniog a Phortiwgal.
Mae’r waliau mewnol wedi eu gorchuddio â Derw Cymreig.
Collwyd nifer o ddiwrnodau gwaith oherwydd y gwyntoedd uchel a rwystrodd y trên rhag cyrraedd y copa. Pan fydd y gwynt yn chwythu’n gryfach na 42mya yn Clogwyn, chaiff y trên ddim mynd yn ei flaen. Bu’n rhaid i’r dynion gerdded i’r copa sawl gwaith.
Gan fod y cynllun yn gofyn am waliau sy’n crymu ac yn gwyro, torrwyd llawer o’r cerrig â llaw gan y seiri meini ar y safle.
Gosodwyd capsiwl amser yn y llawr. Casglwyd y cynnwys gan ddisgyblion o Feddgelert a Llanberis.
Dewiswyd yr enw allan o 500 o awgrymiadau gan wrandawyr a gwylwyr Radio Cymru, Radio Wales a BBC Cymru. Yn ôl geiriadur Prifysgol Cymru, ystyr “Hafod” yw “ Annedd neu lety haf, trigfan ar ucheldir yr arferai amaethwr a’i dylwyth ynghyd â’r anifeiliaid symud iddi dros dymor yr haf.”